Зээлийн хүү тооцох систем: Дэлхийн аль ч улс орны санхүүгийн системд зээл тооцох хоёр үндсэн арга өргөн ашиглагддаг. Үүнд:

1. Үндсэн төлбөр тэнцүү (Equal Principal Payment) Зээлийн үндсэн төлбөрийг сар бүр тэнцүү хувааж төлнө. Үлдэгдэл үндсэн төлбөр дээр тооцогдох хүү сар бүр багасдаг тул эхний үед төлөх нийт дүн өндөр, дараагийн саруудад багасч явдаг. Ихэвчлэн бизнесийн зээлд ашигладаг.

2. Нийт төлбөр тэнцүү (Equal Installment Payment / Annuity method) Үндсэн төлбөр ба хүүгийн нийлбэр сар бүр ижил байна. Эхний саруудад үндсэн төлбөр бага, хүү өндөр байдаг бол сүүлдээ үндсэн төлбөр ихсэж, хүү багасна. Ихэвчлэн хэрэглээний зээлд өргөн хэрэглэгддэг. 

Иймээс аль аргыг сонгосноос шалтгаалан зээлдэгчийн сар бүрийн ачаалал, нийт төлөх хүүгийн хэмжээ өөр өөр байдаг.