Хан-Уул дүүрэг 21-р хороо "Эх нярай эмэгтэйчүүдийн үндэсний төв II"-ийн баруун талд байрлах хотхонд бохирын шугамын холболт хийж байгаад хоёр иргэн шороонд дарагджээ. Нэг иргэнийг ойр орчимд байсан хүмүүс татан гаргаж, яаралтай тусламж 103-т хүлээлгэн өгч, амь насыг нь аварсан байна. Харин нөгөө иргэн гарч чадалгүй амиа алдсан байсныг ОБЕГ-ын алба хаагчид хүрз, дамнуурга, тулгуур бэхэлгээ ашиглан цогцсыг гаргаж цагдаагийн байгууллагад хүлээлгэн өгчээ.  

Иймд иргэд болон аж ахуйн нэгж байгууллагууд газар шорооны болон барилгын ажил эрхлэхдээ хөдөлмөр хамгаалал аюулгүй байдлын дүрмийг чанд мөрдөж, эрдэнэт хүний амь нас эрсдэхээс урьдчилан сэргийлж ажиллахыг нийслэлийн Онцгой байдлын газраас анхааруулж байна.