Жил бүр сургууль, цэцэрлэгийн бүртгэл эхлэхтэй зэрэгцээд хээл, хахуулийн асуудал гарч ирдэг. Энэ жил гэхэд Нийслэлийн 84 дүгээр сургуульд хахууль өгөх, авалцах асуудал гарсан.

Тодруулбал, тус сургуулийн зургаан багш хүүхдийг чинь элсүүлж өгнө хэмээн эцэг, эхчүүдээс мөнгө авсан ажээ. Энэ талаар тус сургуулийн захирал С.Март “Биднийг мэдээгүй байхад жил бүр өөр өөр ханш тогтоосон байдаг. Зарим эцэг эхчүүд багш, ажилчдаар гуйлгуулдаг. Ийм шалтгаанаар би өөрийн удирдлага дор ажилладаг байсан зургаан багшаа халсан.

Э ёсзүйгүй үйлдэл төрийн алба хаагчдаас ч гардаг. Мөнгө авсан, өгсөн гэх үйлдлийг жилдээ 3-4 хүн л илрүүлдэг. Өнгөрсөн жил л гэхэд нэг хувийн сургуулийн багш хүүхэн надтай найз гэж хэлээд нэг иргэнээс 1 сая 500 мянган төгрөг авсан байсан. Бас нэг төрийн алба хаагч 2 сая 500 мянган төгрөг авсан тохиолдол илэрсэн” гэв.