БНСУ-ын Жүнгбүк аймгийн цагдаагийн газар тус аймагт оршин суух Монгол улсын иргэн, 33-н настай эмэгтэй А-г  барилчилжээ. Түүнийг хууль бусаар санхүүгийн үйл ажиллагаа явуулсан хэргээр саатуулсан байна. тэрбээр, солонгос улсад 2006 онд аялал жуулчлалын визээр очиж, улмаар хуль бусаар амьдарч эхэлсэн байна.

Тэгэхдээ тус улсад амьдардаг Монгол иргэдийн ачаа барааг Монгол улс руу илгээх, 2600-н удаагийн үйлдлээр тэдгээр иргэдийн 800 гаруй сая воныг Монгол улс руу хууль бусаар илгээн 16-н сая воны ашиг олсон хэрэг үйлджээ. Мөн иргэн Б-гийн жолооны үнэмлэхийг ашиглан автомашин жолоодож, шаардлагатай үед цагдаагийн ажилтанд үзүүлж байсан нь нотлогдсон байна.

Тиймээс түүнийг БНСУ-ын Жүнгбүк аймгийн цагдаагийн газар хууль бусаар санхүүгийн үйл ажиллагаа явуулж мөнгөн гүйлгээ хийсэн, бусдын бичиг баримтыг ашиглан автомашин жолоодож замын хөдөлгөөнд оролцсон, бусдын нэр дээр нээсэн банкны данс ашигласан зэрэг хэргээр саатуулан шалгаж байгаа аж.