Нийслэлийн ерөнхий боловсролын сургуулиудад шалгалт хийсэн байна. Энэхүү шалгалтыг Нийслэлийн нийгмийн хөгжлийн асуудал хариуцсан төслүүдийн удирдагч Нийслэлийн засаг даргын орлогч Ш.Анхмаагийн баталсан  удирдамжийн дагуу хийсэн аж. Шалгалтыг  нийслэлийн ерөнхий боловсролын  1, 9, 13,  18, 23,  67, 93, 105, Шавь цогцолбор сургуулиудад боловсролын хяналт, эрүүл ахуй халдвар хамгааллын  хяналтын  чиглэлээр хийсэн гэнэ.

Шалгалтын явцад давхардсан тоогоор 425  зөрчил илрүүлж, илэрсэн зөрчил дутагдлыг арилгуулах, хууль тогтоомжийг хэрэгжүүлж ажиллах чиглэлээр мэргэжил арга зүйн зөвлөгөө өгч, улсын /ахлах/ байцаагчийн 25 заалт бүхий дөрвөн албан шаардлагыг  ерөнхий боловсролын 1, 18,  23,  93 дугаар бүрэн дунд сургуульд хүргүүлжээ.

Мөн  илэрсэн зөрчлийг үндэслэн Төрийн хяналт шалгалтын тухай хуулийн 16 дугаар зүйлийн 16.1.2, 16.1.3,  Эрүүл ахуйн тухай хуулийн 6 дугаар зүйлийн 2  дахь заалтыг үндэслэн найман албан тушаалтанд гурван сая 120 мянган төгрөгийн шийтгэвэр ногдуулж бүрэн барагдуулан ажилласан байна.