Оросын хувийн цэргийн “Вагнер” компанийн тэргүүн, байсан Евгений Пригожины хүү Павел Пригожин түүний байгуулсан  одоо  Росгвардийн бүрэлдхүүнд ороод байгаа цэргийн компанийг удирдах боллоо хэмээн URA.RU хэвлэлд бичсэн байна. 

Павел Пригожин 1998 оны зургадугаар сарын 18-нд бизнесмэний дунд хүү болон мэндэлжээ. Тэр эхлээд цэрэгт татагдаж алба хаагаад дараа нь эцгийнхээ компанид гэрээгээр ажилласан гэнэ. Тэр “Вагнер” компанид тагнуул, нисгэгчгүй аппаратын оператораар ажиллаж Сири, Украин дахь цэргийн ажиллагаанд оролцож “Хар загалмай” медалиар шагнуулж байжээ. Украин дахь  оросын цэргийн тусгай ажиллагаа  эхэлсэн цагаас Павел Пригожин ихэнх цагаа Донбасст өнгөрүүлсэн юм байна. 

Павел Пригожин 2018 оноос өөрийн гэсэн бизнес эрхэлж “Бета” компани байгуулсан гэнэ. Түүний бизнес жилээс жилд өргөжиж 2020 оноос тэр “Лахта Плаза” компани толгойлох болжээ. Павел өөрийн  нь ээж Евгения Пригожина Виолеттагийн  тэргүүлдэг уран сайхны “Амьдралын өнгө” галарейг эзэмшдэг юм байна. Тэр бас нефть-хийн “Газпром” корпорацитай хамтран ажиллаж, Санкт-Петербургт элит үл хөдлөх  хөрөнгийн тансаг барилга барьдаг, орон сууцны том “Лахта Парк” цогцолборын эзэмшигч гэнэ. 

Евгений Пригожин ч  өөрийн бүхий л өмч хөрөнгөө Павелд шилжүүлэн өгөхөө зарлаж байсан удаатай. Харин хоёр охиндоо хувьцааныхаа зохих хэсгийг өгчээ. Павел Пригожин нь зоогийн газар, сургууль, цэргийн хүнс нийлүүлдэг “Конкорд” нэртэй бүлэг компанийг авсан юм байна. 

Павел Пригожиний эсрэг Европын холбоо өмнөх 2022 оны гуравдугаар сарын 3-нд  тусгай хориг тавьж байсан юм. Павел Пригожин эхнэрийн хамт Санкт-Петербургийн дэргэдэх Умард Версаль суурин дахь тансаг хороололд амьдардаг юм байна. 

Эх сурвалж: Монголын Мэдээ Сонин

2023 оны арваннэгдүгээр сарын 03. Баасан. №168 (5896)