Б.Бат-Эрдэнэ: Алтай Таван Богд уул руу зарим иргэд машинтайгаа хүч хэрэглэн орсоор байна
Байгаль орчин, аялал жуулчлалын сайд Б.Бат-Эрдэнэ өөрийн цахим хуудсандаа нийтэлжээ.
АЛТАЙ ТАВАН БОГД УУЛЫН ЦЭВДЭГ, МӨСӨН ГОЛ ХАЙЛАЛТ ИХСЭЖ, ОРЧНЫГ БОХИРДУУЛЖ БАЙГАА НЬ ЦААШДАА ОРШИХ ЭСЭХ ЭРГЭЛЗЭЭ ТӨРҮҮЛЖ БАЙНА
Алтай Таван Богд уул руу Шивээт хайрхан болон Их ойгоор талын байгаль хамгаалагчийн нэвтрэх постноос цааш тээврийн хэрэгслээр нэвтрэхийг хориглож, явган болон энгийн хөсгөөр зорчихоор шийдвэрлэсэн ч зарим иргэд хүч хэрэглэн орсоор байна.
Монгол Алтайн нурууны Алтай Таван Богд уул нь Монгол улсын хамгийн өндөр уулс юм. Энэ ч утгаараа Монгол орны дээвэр хэмээгддэг. Таван Богд уул нь Баян-Өлгий аймгийн Улаанхус сумд оршдог.
Таван Богд уул нь таван үндсэн оргилтой ба Монголын хамгийн том гурван мөсөн гол болох Потанины мөсөн гол, Александрын мөсөн гол, Гранегийн мөсөн голууд Таван Богдод оршдог. Эдгээрээс хамгийн том нь Потанины мөсөн гол бөгөөд 14 орчим км урттай.
Анхлан 1956 онд Монголын уулчид авирч байснаас хойш 700 гаруй уулчид авирсан ба гадаад дотоодын уулчдын авирах дуртай уул болоод байна.
1996 онд Алтай Таван Богд уул, Хотон, Хурган, Даян нуур, Ховд, Хар салаа, Цагаан салаа, Сонгинот, Ёлт зэрэг голуудын ай савуудыг хамруулан Алтай Таван Богдын байгалийн цогцолборт газар хэмээн улсын хамгаалалтанд авсан. 2012 онд Алтай Таван Богд уулыг төрийн тахилгат уул болгон 4 жилд нэг тахиж байхаар болсон.
МЭДЭЭНИЙ СЭТГЭГДЭЛ
ХОЛБООТОЙ МЭДЭЭ
Веб сайтад агуулагдсан мэдээлэл зохиогчийн эрхийн хуулиар хамгаалагдсан тул зөвшөөрөлгүй хуулбарлах хориотой.
Copyright © MMINFO.MN All Rights Reserved. Powered by HUREEMEDIA.
