Даваа гаригийн Засаг даргын шуурхай зөвлөгөөн хуралдаж өнгөрсөн долоо хоногт өгсөн үүрэг даалгаврын биелэлтийг хэлэлцлээ. 
Шуурхай зөвлөгөөний эхэнд ЗДТГ-ын Төрийн захиргаа, удирдлагын хэлтсийн дарга М.Жанболат   ЗДТГ-ын ХШҮХ-ийн даргын үүрэг гүйцэтгэгчээр Б.Оч, аймгийн Цагдаагийн газрын даргаар, цагдаагийн хурандаа А.Лхагвадорж нарыг томилсон албан тушаалын томилгоог танилцуулав.  

Өнгөрсөн долоо хоногийн даваа гаригийн Засаг даргын шуурхай зөвлөгөөнөөр "Эрдэнэт Ус ДТС" комцанийн удирдлагуудад иргэн, ААНБ-уудын хугацаа хэтрүүлсэн төлбөрт тооцох алдангийг уян хатан байдлаар зохицуулах, төлбөр төлөх хугацааг иргэдийн цалин буух үетэй уялдуулах зэрэг үүрэг даалгаврыг өгсөн.   Тус компаниас иргэд, ААНБ-уудад тооцох алдангийн хугацааг нэг сараар хойшлуулахаар шийдвэрлэсэн байна. 

Тодруулбал,  сар бүрийн 25-10-ны дотор төлбөрөө төлөөгүй тохиолдолд 11-нээс айл өрхөд 0,3, ААНБ-д 0,4 хувиар алданги тооцдогийг ийн зохицуулж байна. Харин дээрх хугацаанд төлбөрөө төлөөгүй тохиолдолд алданги тооцох юм. 

Тэгвэл "ЭБЦТС" компани нэхэмжлэл илгээх, төлбөр төлөх зэргийг иргэдийн цалин буух үетэй холбон зохицуулж, хүндэтгэн үзэх зайлшгүй шалтгаан байгаа эсэхээс хамааран алданги тооцохгүй байх өөрчлөлтийг хийж байна.    Дээрх шийдвэрүүд 2023.01.01-нээс хэрэгжиж эхэлнэ.