Засаг даргын зөвлөлийн 2022 оны 15 дах удаагийн хурал хуралдаж байна. Зөвлөлийн хурлаар  “Төр, хувийн хэвшлийн түншлэлээр Орхон аймагт орон сууцны төсөл хэрэгжүүлэх журам”, “Шарилжгүй Эрдэнэт” хөтөлбөрийн танилцуулга, Түлээ түлш нийлүүлэх төслийн танилцуулга, Орон нутгийн өмчид бүртгэлтэй ашиглагдахгүй байгаа барилга байгууламжын талаар, аймгийн 2022-2037 он хүртэлх газар зохион байгуулалтын төлөвлөлтийн ерөнхий тайлан, Эрдэнэт хотын 2022-2023 оны өвөлжилтийн бэлтгэл ажил хангах ажлын явц зэрэг долоон асуудлыг хэлэлцэх юм. 
     Хуралдааны эхэнд “Төр,  хувийн хэвшлийн түншлэлээр Орхон аймагт орон сууцны төсөл хэрэгжүүлэх журам”-ын талаар зөвлөлийн гишүүд ажлын хэсгийнхнээс асуулт асууж, санал хэлснээр 100 хувийн саналаар дэмжив. 
Төр, хувийн хэвшлийн түншлэл гэдэг нь....
Төрийн үйлчилгээ тэр дундаа нийгмийн суурь үйлчилгээг үзүүлэх болон өмчийн хувийн хэвшлийн нөөц, туршлагад тулгуурлан ашиглах зорилготой төрийн байгуулага болон хувийн хэвшлийн хооронд байгуулсан эрх зүйн албан ёсны  харилцаанд тулгуурласан ойлголт юм.  Журмаар энэхүү харилцааг зохицуулна. 

       Аймгийн ИТХ-ын өнгөрсөн сарын  7-нд хуралдсан 10 дахь удаагийн хуралдаанаар “Орхон аймгийн 2022-2025 онд хэрэгжүүлэх орон сууцны хөтөлбөр”-ийг Хот байгуулалт, барилга захиалагчийн албанаас боловсруулж  батлуулсан.   Уг хөтөлбөрийг батлуулсантай холбоотойгоор “Төр,хувийн хэвшлийн түншлэлээр Орхон аймагт орон сууцны төсөл хэрэгжүүлэх журам” боловсруулах Засаг даргын орлогч А.Түвшинжаргалаар ахлуулсан ажлын хэсэг байгуулагдаж,  Хот  байгуулалт барилга захиалагчийн алба, Санхүү төрийнн сангийн хэлтэс,Орон нутгийн өмчийн газар, Хөрөнгө оруулалт хөгжлийн бодлогын хэлтэс, Хууль эрх зүйн хэлтэс зэрэг холбогдох мэргэжлийн байгууллагын албан тушаалтнуудын саналыг тусган уг журмыг боловсруулсан. 
      “Төр,хувийн хэвшлийн түншлэлээр Орхон аймагт орон сууцны төсөл хэрэгжүүлэх журам” нь нийслэл Улаанбаатар хотод хэрэгжүүлж буй журамтай ижил төстэй бөгөөд уг журмын оновчтой талыг тусгаж, дутагдалтай талыг нь засаж сайжруулан боловсруулсан гэдгийг ажлын хэсгээс онцлон хэлсэн. 
Ажлын хэсэг тус журмыг өнгөрсөн зургаадугаар  сарын 8-ны өдөр Засаг даргын зөвлөлийн хурлаар хэлэлцүүлсэн бөгөөд хангагч байгууллагууд, Баян-Өндөр, Жаргалант сумын иргэдтэй хэлэлцүүлэг зохион байгуулж, саналыг тусгажээ.

    Журмын зорилго нь  аймгийн хэмжээнд хэрэгжих орон сууцны хөтөлбөрүүдэд хувийн хэвшлийн хөрөнгө оруулалтыг татах, орон сууцны бүтээн байгуулалтад хувийн хэвшлийн санаачилгыг дэмжих, орон сууны бүтээн байгуулалтыг эрчимжүүлэх, олон нийтэд нээлттэй сонгон шалгаруулалт явуулахад оршиж байгаа юм. 
Төсвийн тухай хууль, УИХ-ын 2009 оны аравдугаар сарын 15-ны өдрийн 64 дүгээр тогтоолоор баталсан “Төр, хувийн хэвшлийн түншлэлийн талаар төрөөс баримтлах бодлого баримтлах тухай, аймгийн ИТХ-ын долоодугаар сарын 7-ны өдрийн 1005 дугаар тогтоолоор батлагдсан “2022-2025” онд хэрэгжүүлэх орон сууцны хөтөлбөр зэрэг эрх зүйн баримт бичгүүдийг үндэслэн уг журмыг боловсруулжээ.