Олон улсын жүдо бөхийн холбооны энэ оны хамгийн сүүлийн Гранд Слам тэмцээн Арабын нэгдсэн Эмират улсын Абу Даби хотноо энэ сарын 26-28-нд зохион байгуулагдлаа. “Абу Даби - 2021” Их дуулгад Монгол Улсаас нийт 20 жүдоч (эрэгтэй 10, эмэгтэй 10) хүч үзэхээр болжээ. 

Манайхаас эхний хоёр өдрийн барилдаанаас Ц.Цогтбаатар алтан медаль, Ё.Басхүү, Б.Хорлоодой, Л.Энхрийлэн нар хүрэл медаль хүртсэн билээ. Өнөөдөр эрэгтэй -90, -100, +100, эмэгтэй -78, +78 кг жингийн барилдаан болно.

Эмэгтэй +78 кг жинд А.Адъяасүрэн хүрэл медалийн төлөө Францын бөх Корали Хэймитэй барилдаж базари үнэлгээгээр ялагдаж тавдугаар байрт орлоо.

Тэрбээр В хэсэгт багтсан хэсгийн аваргын төлөө ОХУ-ын Анжела Гаспариантай барилдаж нэмэлт цагт цэвэр ялсан бол мөнгөн медалийн төлөө Бразилийн бөх Биатриз Соузатай барилдаж цэвэр ялагджээ.