2021 онд IJF буюу олон улсын жүдо бөхийн холбооноос зохион байгуулж буй эхний тэмцээний эрэгтэйчүүдийн -66 кг жинд барилдаж буй Ё.Басхүү В хэсгийн аваргын төлөө БНСУ-ын бөх Ан Баултай барилдаж ялагдал хүлээлээ. Тэрбээр эхний тойрогтоо Египетийн Мохамед Абделмавгоудтай барилдаж ялсан бол хоёрдугаар тойрогт Казакстаны Елдос Жумакановтой барилдаж ялжээ.

Тэрбээр торгуулийн тойрогт ОХУ-ын бөх Арам Григорянтай барилдана.

“Доха Мастерс 2021” тэмцээний аваргын төлөө 5 тивийн 70 орноос хүрэлцэн ирэх 401 тамирчид /эрэгтэй-215, эмэгтэй-186/ эрэгтэй 7, эмэгтэй 7 жинд 1-р сарын 11-13-ны хооронд өрсөлдөж байна.