Энэ жил 6570 ам метр талбайд буюу авто замын дөрвөн уулзвар, 16 автобусны буудалд халтиргаанаас сэргийлэх хучилт хийхээр төлөвлөсөн байна. Уг төлөвлөгөөт ажлын ихэнхийг хийж гүйцэтгэжээ. Ойрын өдрүүдэд Баянхошуу Жанцангийн уулзвар болон Гранд плазагийн авто замын зүүн талын уулзварт өнгөт хучилт хийснээр энэ жилийн ажил дуусна гэж Улаанбаатар хотын Захирагчийн ажлын албанаас мэдээллээ. 2017-2020 онд нийт 10,926.5 ам метр талбайд буюу 12 уулзвар, 24 автобусны буудлыг халтиргаанаас хамгаалах хучилттай болгосон байна.