УИХ-аас баталсан Ерөнхий боловсролын сургуулийн хоол үйлдвэрлэл, үйлчилгээний тухай хуулийн дагуу сурагчдын үдийн цайг үе шаттайгаар үдийн хоол болгохоор болсон. Үүний дагуу Засгийн газар энэ долоо хоногийн хуралдаанаараа 1-5 дугаар ангийн нэг хүүхдэд ногдох үдийн хоолны зардлын нормативыг 2021 оны есдүгээр сарын 1-нээс 1500, 6-9 дүгээр ангийн нэг хүүхдэд ногдох үдийн хоолны зардлын нормативыг 2022 оны есдүгээр сарын 1-нээс 1800 төгрөг байхаар тогтоосон.

 

Мөн цэцэрлэг, сургуулийн хоол үйлдвэрлэл, үйлчилгээний чанар, хүртээмжид хяналт тавьж, удирдлага арга зүйгээр хангах чиг үүрэг бүхий хоолзүйч мэргэжилтний орон тоог баталж, шийдвэрлэхийг холбогдох сайд нарт даалгасан. Сургууль, цэцэрлэгийн хоол үйлдвэрлэл, үйлчилгээний чанар, аюулгүй байдалд хяналт тавьж, үүсэж болох эрсдэлээс урьдчилан сэргийлж ажиллахыг холбогдох албаны хүмүүст анхааруулсан юм. Өмнөх жилүүдэд ерөнхий боловсролын сургуулийн 1-5 дугаар ангийн нэг хүүхдийн үдийн цайны өдрийн зардал 900 төгрөг байлаа. 

 

Ерөнхий сайд Л.Оюун-Эрдэнэ, Боловсрол, шинжлэх ухааны сайд Л.Энх-Амгалан тэргүүтэй албаны хүмүүс өнөөдөр 14 дүгээр сургуульд ажиллаж, “Үдийн хоол” хөтөлбөрийн бэлтгэл ажилтай танилцжээ. Судалгаагаар өглөөний цай тогтмол уудаг сурагч 16.8 хувийг эзэлж байгаа бол үлдсэн хувь нь өглөөний цай байдаггүй, хааяа уудаг, огт уудаггүй гэсэн байна. Жишээлбэл, нэг сургуулийн 1000 гаруй хүүхдийн 700-800 нь үдийн цайг тогтмол ууж чаддаггүй аж. Үдийн хоолны зардлыг 1500 төгрөг болгон нэмэгдүүлснээр бага ангийн сурагч үдийн хоолноос хоногт авбал зохих илчлэгийн 35 хувь буюу 610 ккал авах боломж бүрджээ. Өмнө нь хэрэгжиж байсан "Үдийн цай" хөтөлбөрийн хүрээнд нэг хүүхдэд ногдох 900 төгрөгийн 400 нь цайны газрын түрээслэгчдэд, үлдсэн 500 төгрөг нь хүүхдийн цайнд зарцуулагддаг байв. Харин хуульд хоол үйлдвэрлэл, үйлчилгээний зориулалтын байр, талбай, тоног төхөөрөмжийг түрээслүүлэхийг хориглосон. Ингэснээр үдийн хоолонд зарцуулагдах 1500 төгрөг бүгд хүүхдэд зориулагдах юм. Энэ хичээлийн жилд 1-5 дугаар ангийн 381 мянган хүүхэд "Үдийн хоол" хөтөлбөрт хамрагдах юм байна.

 

 

 

Болосврол, шинжлэх ухааны яамнаас үдийн хоолны ач холбогдлыг дараах байдлаар тодорхойлжээ