Анх хөгжлийн бэрхшээлтэй иргэдийн дуу хоолой болж олонд танигдаж байсан Б.Болороо гэх эмэгтэйг монголчууд андахгүй. Түүнийг ямар хүчирхэг, ямар тууштай эмэгтэй болохыг ч хүмүүс мэдсэн. Харин түүнийг амьдрал нэгэн уйтай зүйл тохиолдсон нь түүний хань ажлаа хийж яваад, сураггүй алга болсон ч 16 хоногийн дараа ажлын бйарандаа нас барсан болохыг олж тогтоосон байдаг. Тэгвэл хуулийн байгууллагаас түүний нөхрийг ажил үүргээ гүйцэтгэж байх үедээ согтуу байсан гэх дүгнэлт гаргаж байсан удаатай.

Харин Б.Болороо “Би нөхрөө мэднэ. Миний нөхөр хэзээ ч ажлын байрандаа архидан тогтуурах хүн биш. Би үнэн зөвийг нь шалгуулна. Нөхрийнхөө нэр төрийг сэргээлгэнэ” хэмээн удаа дараа мэдэгдэж, хөхөө өвлийн хүйтэнд төв талбайд хүртэл ээжтэйгээ суулт зарлаж байсан удаатай.

Тэгвэл шүүх эмнэлгийн дүгнэлт Б.Болороогийн нөхрийг архи уугаагүй болохыг тогтоож, нөхрийнх нь буруугүй гэх дүгнэлт гаргажээ. Энэ талаар тэрбээр өөрийн фэйсбүүк хуудаснаа “Ханийхаа нэрийг сэргээж чадсаан. Шүүх эмнэлгийн дахин бүрэлдэхүүнтэй шинжээчдийн дүгнэлтээр алкохол хэрэглээгүй нь тогтоогдсон, өөрөөр хэлбэл 2.4 промилл хэмжээ нь согтолтын зэрэг биш тэр дор 19 хоног байж өмхийрч, муудсанаас бий болсон исэлтээс үүдсэн хэмжээ гэж гарсан. Мөн МХЕГ-аар дахин бүрэлдэхүүнтэй шинжээч томилуулан дүгнэлт гаргахад миний хань БУРУУГҮЙ, КОМПАНИЙН 100%-ийн буруу гэж гарсан.

Миний эцсийн, цор ганц хүсэл бол ханийхаа нэрийг л цэвэрлэх байсан. Би зорилгодоо хүрсээн, гэхдээ өөрийн сайндаа биш ТА БҮГДИЙН ДЭМЖЛЭГЭЭР. Бид ямар ч зүйлд нэгдэж чадвал ялж болдог юм байна, ҮНЭН илэрдэг юм байна шүү. Эхнээсээ намайг дэмжиж, урам өгсөн, зоригжуулсан, чи ганцаараа биш шүү гэж урагшлах итгэл хайрлаж байсан, хайрлаж байгаа ТА БҮХЭНДЭЭ БАЯРЛАЛАА. Худал хуурмаг зүйлтэй эвлэрээд сууж чадахгүй байгааг минь хараад хүсэл, санааг минь ойлгож бүх зүйлд минь хамт байж тэмцсэн ЭЭЖДЭЭ онцгойлон БАЯРЛАЛАА. Тун удахгүй хавтаст хэрэгтэйгээ танилцсаныхаа дараа та бүхэнд дэлгэрэнгүй мэдээлэл хүргэх болно оо. Бие нь энэ орчлонд байхгүй боллоо ч үр нь үлдсэн хорвоод нэр нь цэвэр яваг ээ” хэмээн бичжээ.