Нийслэлийн Засаг даргын зөвлөлийн ээлжит хуралдаанаар Улаанбаатар хотод үйл ажиллагаа явуулдаг төрийн өмчийн цэцэрлэгийн бүртгэлийг цахим хэлбэрээр зохион байгуулах тухай хэлэлцжээ.

Бүртгэлийн ажил цахим хэлбэрт шилжсэнээр хүүхдээ бүртгүүлэх гэсэн эцэг, эхчүүдийн дунд урт дараалал үүсдэг, цэцэрлэгийн гадаа хонодог зэрэг хүндрэлийг арилгах юм байна.

Мөн тухайн жилд харьяа дүүргийн цэцэрлэгт хэдэн хүүхэд шинээр болон нэмж авах, хэдэн хүүхэд бүртгэж авсан зэрэг мэдээлэл ил тод болох зэрэг олон давуу талтай гэнэ. Зөвлөлийн хурлаар уг асуудлыг хэлэлцэн дэмжээд НИТХ-д өргөн барихаар болжээ.