УИХ-ын чуулганы нэгдсэн хуралдаанаар өчигдөр Арбитрын тухай хуулийн шинэчилсэн найруулгын төсөл болон холбогдох бусад хуулийн төслийн анхны хэлэлцүүлгийг хийсэн. Уг хуулийн үндсэн агуулга нь маргаан үүсгэсэн талууд аль арбитрын шүүхэд гомдол гаргаж, маргаанаа шийдүүлэхээ өөрсдөө сонгох тухай зохицуулалтыг оруулж өгсөн юм. Түүнээс гадна Монгол Улсад үйл ажиллагаа явуулж байгаа арбитруудыг олон улсын төвшинд нийцүүлэх асуудлыг оруулж өгсөн гэж хууль санаачлагчид мэдээллээ.

Үүнтэй холбогдуулан УИХ-ын гишүүд байр сууриа илэрхийлэх үеэр УИХ-ын гишүүн О.Баасанхүү “Хүний өмнөөс кноп дараад байна” гэх зэргээр хэлэлцэж буй хуультай холбоо зүйл ярихгүй байн байн үг хэлж байсан нь олон гишүүний эгдүүцлийг хүргээд авлаа.

Энэ үеэр УИХ-ын гишүүн Н.Учрал “О.Баасанхүү гишүүн асуудалтай холбоотой зүйл яриахгүй байна. Дэвэн дэлхийн юм яриад төвөгтэй юм. Уг нь хууль тогтоох байгууллагад орж ирчихээд хуулиа л ярьж баймаар байх юм. Хуулиа уншихгүй. Үнэхээр төвөгтэй байна” гээд бухимдаад авлаа.

Уг нь О.Баасанхүү гишүүн ажлын туршлагаараа УИХ-ын гишүүн Н.Учралд хичээл заах хэмжээний туршлагатай байхаар хүн. Гэтэл албаар ингээд байдаг юм уу гэлтэй. Чуулганы танхимд энэ мэтээр хэрэгтэй, хэрэггүй зүйл ярьж гишүүдийг бухимдуулдаг болоод байгаа нь хэрээс хэтрэх шинжтэй.