Испанийн алдарт “Реал Мадрид” клуб цомын тэмцээний 1/8 шигшээн хариу тоглолтод “Севилья”-гийн талбайд зочилж, 3:3-аар тэнцсэн билээ. Ингэснээр “Барселона” клубын тогтоосон 39 тоглолт дараалан хожигдоогүй рекордыг эвдэж, 40 болголоо.

Тэр дундаа “Реал” 83 дахь минутад 3:1-ээр хожигдож яваад цаг дуусахаас өмнө хоёр гоол оруулж, тэнцүүлж дөнгөсөн. 83 дахь минутад Рамос торгуулын цохилтоор тооны харьцааг ойртуулж, Бензема 90+2 дахь минутад тэнцүүлж чаджээ.

Хамгийн сүүлд “Реал” аваргуудын лигийн хэсгийн шатанд буюу 2016 оны дөрөвдүгээр сарын 6-нд “Вольфсбург”-т 2:0-ээр хожигдсоноос хойш өдийг хүртэл ганц ч ялагдаагүй явна. Энэ хугацаанд 40 тоглолт хийхдээ 30 хожиж, 10 тэнцээд байна.