Бразилд суух Грекийн Элчин сайд алагджээ
Туркид суух ОХУ-ын Элчин сайд Андрей Карлов бусдын гарт амиа алдаад удаагүй байгаа. Тэгвэл энэ хэргийн эцсийн учир шалтгаан тайлагдаж амжаагүй байхад Бразилд суух Грекийн Элчин сайдыг зэрлэгээр хөнөөсөн хэрэг гарлаа.
Тодруулбал, Бразилын Рио де Жанейрод Грек улсаас тус улсад суух Элчин сайд Кириакос Амиридисыг эхнэртэй нь нууц амрагын харилцаатай байсан цагдаагийн ажилтан хөнөөжээ. Гэмт хэргийг хоёр хүн үйлдсэн байна.
Гэмт этгээд талийгаачийг хөнөөгөөд дараа нь шатаасан байжээ. Танигдахын аргагүй болсон талийгаачийн цогцсыг энэ сарын 29-нд шатсан машин дотроос олсон байна. Энэ хэргээс өмнө Элчин сайдын гэргий Франсуйс де Соуза Оливейра нөхрөө сураггүй болсныг мэдүүлсэн байжээ. Хэрэг үйлдсэн цагдаагийн ажилтныг мөн баривчилсан байна. Тэрбээр баривчлагдах үедээ амь үрэгдсэн Элчин сайдын эхнэртэй нууц амрагийн харилцаатай байсан гэдгээ мэдүүлсэн байгаа юм.
МЭДЭЭНИЙ СЭТГЭГДЭЛ
ХОЛБООТОЙ МЭДЭЭ
Веб сайтад агуулагдсан мэдээлэл зохиогчийн эрхийн хуулиар хамгаалагдсан тул зөвшөөрөлгүй хуулбарлах хориотой.
Copyright © MMINFO.MN All Rights Reserved. Powered by HUREEMEDIA.
