Олон улсны сагсан бөмбөгийн холбоо буюу FIBA-гаас дөрвөн жилд нэг удаа зохион байгуулдаг эрэгтэй сагсан бөмбөгийн олон улсын аварга шалгаруулах 42 дахь удаагийн "Евробаскет" аварга шалгаруулах тэмцээн болж байна.

Шилдэг найман багийн тоглолт өнгөрсөн шөнө болж өндөрлөлөө. Лука Дончичоор удирдуулсан Словены баг Германы багтай тоглож 99-91 харьцаагаар Германы баг хожил байгууллаа. Улмаар Германы баг хагас шигшээд шалгарч Финляндын багтай таарч байгаа бол  Словены баг энэ хүрээд тэмцээнээ өндөрлүүлж байна.

Тус тоглолтод Германы багаас Франц Вагнер 23 оноо, 7 самбар, 4 дамжуулалтаар багаа тэргүүлсэн бол Деннис Шродер 20 оноо, 7 дамжуулалт, Даниал Тайс 15 оноог авсан байна. Эсрэг багаас Лука Дончич 39 оноо, 10 самбар, 7 дамжуулалтаар бүх тоглогчдыг тэргүүлсэн бол Кленин Препелик 13 оноог авсан байна. Мөн Лука Дончич ЕАШ 2025 тэмцээнд нэг тоглолтод 34.7 оноо дунджиллаа. Энэ нь Европын аварга шалгаруулах тэмцээний түүхэнд нэгт орох үзүүлэлт юм.