NBA-ын талбайд зургаан тоглолт боллоо. Өнөөдрийн сүүлийн тоглолт Лос Анжелес Лейкэрс талбайдаа Нью-Иорк Никс багтай энэ улирлын сүүлийн буюу хоёр дахь тоглолтоо хийлээ. Өмнөх тоглолт Никсийн талбайд болж Лейкэрс хожоод байсан юм.

Энэ удаагийн тоглолтод Никс эхний үед дөрвөн оноогоор хожигдсон ч хоёр болон гуравдугаар үед илүү тоглож тэргүүлж дуусгажээ. Гэвч шийдвэрлэх үед тааруухан тоглолтыг үзүүлж Лейкэрс найман оноог барьснаар 99-99 харьцаагаар тэнцэж дууссан байна. Нэмэлт цагт харамсалтай нь Жэйлн Брансон гэмтэж талбайд орхиж улмаар 109-113 харьцаагаар Лейкэрс хожиж найман тоглолт дараалж ялалт байгууллаа.

Тус тоглолтод Лука Дончич 32 оноо, 7 самбар, 12 дамжуулалт, 4 таслалтаар багаа тэргүүлсэн бол Леброн Жеймс 31 оноо, 12 самбар, 8 дамжуулалт, сэлгээнээс Гэйб Винсент 12 оноог авсан бөгөөд шийдвэрлэх үед холын шидэлтүүдээ амжилттай болгожээ. Харин эсрэг багаас Жэйлн Бранслн 39 оноо, 10 дамжуулалтаар бүх тоглогчдыг тэргүүлсэн бол Өүжи Аннуноби 20 оноо, Жош Харт 18 оноо, 10 самбар, 4 таслалтыг гүйцэтгэсэн байна.

Өнөөдөр болсон бусад тоглолтын үр дүн

Чикаго Буллс 125-123 Орлондо Межик
Индиана Пэйсэрс 118-124 Атланта Хокс
Филадельфи 76 105-123 Бостон Селтикс
Голдэн Стэйт Уорриорс 121-119 Брүүклин Нетс
Хьюстон Рокетс 109-97 Нью-Орлэйн Паликанс
Нью-Иорк Никс 109-113 Лос Анжелес Лейкэрс /нэмэлт цагт/