Нийтийн тээврийн бодлогын газарт хоёрдугаар сарын 12-14-ны өдөр иргэдээс ирсэн санал, хүсэлт, гомдлыг хэрхэн шийдвэрлэснийг хүргэж байна.

Иргэний гомдол: Иргэн Э.Э: Ч:61 “ТЭЦ-3-120 мянгат-Офицер” чиглэлийн 5-266 гарааш дугаартай автобусны жолооч хэл амаар доромжилсон тул арга хэмжээ авч өгнө үү. 
Шийдвэрлэлт: Иргэний гомдлын дагуу нийтийн тээврийн үйлчилгээний “Сутайн буянт” ХХК-ийн жолооч Г.Б шалгаж, гаргасан зөрчилд нь Зөрчлийн тухай хуулийн 14.6 дугаар зүйлийн 9 дэх хэсэгт заасныг үндэслэн 25 нэгжтэй тэнцэх хэмжээний төгрөгөөр торгох шийтгэл оногдууллаа.

Иргэний гомдол: Иргэн Г.А: М:1 чиглэлийн 2-131 гарааш дугаартай автобус 21:28 цагт цамбагаравын зогсоол дээр буулгалгүй 1 буудлын дараа буулгасан. Урт автобус байсан хойд 2 хаалгаа онгойлгоогүй. Арга хэмжээ авч хариу мэдэгдэнэ үү.
Шийдвэрлэлт: Жолоочид зөрчил дутагдалгүй ажиллах талаар анхааруулж, сургалтад суулгахаар болсон талаар хариу мэдэгдсэн.

Иргэний гомдол: Иргэн Э.Б: Ч:13 чиглэлийн 3-057 гарааш дугаартай автобус тахилтын эцсээс авалгүй явсан. Арга хэмжээ авч хариу өгнө үү.
Шийдвэрлэлт: Жолооч М.Э-нд Зөрчлийн тухай хуулийн 14.6 дугаар зүйлийн 9-д заасны дагуу торгуулийн арга хэмжээ тооцов.

Иргэний гомдол: Иргэн М.Г: Ч:42 “Сүлжмэл-Зайсан” чиглэлийн 2-238 гарааш дугаартай автобусны жолоочийн зан харьцаанд анхаарч арга хэмжээ авч хариу өгнө үү.
Шийдвэрлэлт: Тухайн жолоочийг сургалтад суулгав.

Иргэний гомдол: Баянзүрх дүүргийн иргэн Х: 1-167 гарааш дугаартай автобусны жолооч автобусны бүхээгт тамхи татсан. Арга хэмжээ авч хариу өгнө үү.
Шийдвэрлэлт: Иргэний гомдлын дагуу нийтийн тээврийн үйлчилгээний Зорчигч тээвэр нэг ОНӨААТҮГ-ын жолооч С.Б-ыг шалгаж, гаргасан зөрчилд нь Зөрчлийн тухай хуулийн 14.6 дугаар зүйлийн 9 дэх хэсэгт заасныг үндэслэн 25 нэгжтэй тэнцэх хэмжээний төгрөгөөр торгох шийтгэл оногдууллаа.

Иргэний гомдол: Сонгинохайрхан дүүргийн иргэн Б.Ж: Ч:79 чиглэлийн 15-021 гарааш дугаартай автобус буудал өнгөрөөд зогсож байгаад яваад өгсөн. АПП-аас харахад зүгээр явж байсан. 
Шийдвэрлэлт: Жолоочийг байлцуулан хяналтын камерын бичлэгийг шалгасан бөгөөд УМЦТС-нь гацаж доголдсон байсан бөгөөд энэ талаар гомдол гаргагчид хариу мэдэгдсэн.

Иргэний гомдол: Баянзүрх дүүргийн иргэн Б: Ч:74 чиглэлийн 29-014 гарааш дугаартай автобус халаалтгүй маш хүйтэн байна.
Шийдвэрлэлт: Тухайн автобусны заалны паарыг засварлан эргэж хариу мэдэгдэх талаар Үнэгтийн уул ХХК-ийн тээвэр зохицуулагч, механик инженер нарт хэлсэн.

Иргэний гомдол: Иргэн Г: Автобусны хаалганд хавчуулсан тул арга хэмжээ авч өгнө үү. 
Шийдвэрлэлт: Жолоочийг сургалтад суулгаж, дахин зөрчил дутагдал гаргахгүй байх анхааруулга өгсөн талаар гомдол гаргагчид хариу мэдэгдсэн. 

Иргэний гомдол: Сүхбаатар дүүргийн иргэн Э: Ч:66 чиглэлийн 1-052 гарааш  дугаартай автобус Цэцэг төвийн зогсоолоос хүнээ аваагүй. Энэ чиглэлийн автобуснууд оройдоо байнга хүнээ орхиж явдаг арга хэмжээ авч хариу мэдэгдэнэ үү.
Шийдвэрлэлт: Жолоочид Зөрчлийн тухай хуулийн 14.6 дугаар зүйлийн 9-д заасны дагуу торгуулийн арга хэмжээ тооцсон.

Иргэний гомдол: ХШХ-ийн шалгагч Д.Ц: Ч:70 чиглэлийн 01-152 гарааш дугаартай жолооч Мөнгөн завъяагийн буудлаас хүнээ аваагүй гараараа даллаад байхад зогсоогүй буудал уншуулаад гарсан. Иргэд маш их бухимдалтай шалгагч бид нарыг загнаж харааж байсан. Шалгаж арга хэмжээ авч өгнө үү.
Шийдвэрлэлт: Тухайн автобусны хяналтын камерыг шалгахад 2 зорчигч суусан байв.

Иргэний гомдол: Баянгол дүүргийн иргэн А.Г: 13-122 гарааш дугаартай автобусны жолооч Ч:20Б чиглэлд ажиллахдаа бэлэн мөнгөний хайрцаг дээрээ скоч наасан зорчигчдоос бэлэн мөнгө аваад яваад байна. Шаардлага тавьсан чинь чамд хамаагүй гэсэн. Арга хэмжээ авч хариу өгнө үү.
Шийдвэрлэлт: “Эрдэм транс” ХХК-ийн жолооч П.Д-д дотооддоо сахилгын арга хэмжээ тооцохоор болов. Зөрчлийг хэсгийн даргад мэдэгдэж арилгуулсан болно.

Иргэний гомдол: Сонгихайрхан дүүргийн иргэн Б.Э: М:1 чиглэлийн 25-103 гарааш дугаартай автобус баруун 4 замын буудлаас хүнээ аваагүй явсан.
Шийдвэрлэлт: УМЦТС-д тухайн буудалд 1 минут зогссон бүртгэл байх бөгөөд энэ талаар ААНБ-д мэдэгдэж хүнээ гүйцэд авах талаар анхааруулсан.

Иргэний гомдол: Иргэн Ц.Д: Ч:19Б чиглэлийн 11-006 гарааш дугаартай автобусны жолооч нь тамхи татаж байна арга хэмжээ авч хариу өгнө үү.
Шийдвэрлэлт: Трансбус ХХК-ийн гэрээг дүгнэхэд аргачлалын дагуу 11-006-н зөрчилд ногдох оноог хасуулахаар тооцов.

Эх сурвалж: Нийтийн тээврийн бодлогын газар