NBA-ын талбайд есөн тоглолт боллоо. Торонто Репторс талбайдаа аялан тоглолтоор явж байгаа Лос Анжелес Лейкэрс багтай улирлын эхний учраагаа хийлээ. Тоглолтын эхний үед 24 онооны тэргүүллийг авсан Лейкэрс хоёр болон гуравдугаар үед оноо 11 болж ойртжээ. Улмаар шийдвэрлэх үед Лейкэрс таван оноо дутуу авч тоглолт 131-125 харьцаагаар Лейкэрс ялж өндөрлөжээ. Таван аялан тоглолт хийх хуваарьтай яваа Лейкэрс өнөөдөр гурав дахь аялан тоглолтоо хийж байгаа бөгөөд аялан тоглолтын эхний ялалтаа байгуулж, улирлыг дөрвөн хожил, 2 хожигдолтой болж өрнөд бүсийн дөрөвт бичигдэж байна. 

Харин Репторс нэг хожил, таван хожигдолтой болж дорнод бүсийн сүүлийг мушгиж байна. Өнөөдрийн тоглолтод Лейкэрсээс Энтони Дэвис 38 оноо, 11 самбар, 2 дамжуулалт, 3 бөмбөг таслалт, 2 хаалтаар багаа тэргүүлсэн бол Леброн Жеймс 27 оноо, 6 самбар, 10 дамжуулалт, Остин Риверс 20 оноо, 6 дамжуулалт, 2 бөмбөг таслалт, Ди Анжело Рассел 19 оноог авчээ. Эсрэг багаас АрЖи Баррэт 33 оноо, 5 самбар, 12 дамжуулалтаар багаа тэргүүлсэн бол Грэйди Дак 31 оноог авчээ.

Өнөөдөр болсон бусад тоглолтын үр дүн

Бостон Селтикс 124-109 Шарлот Хорнетс
Орлондо Межик 109-120 Клевлэнд Кавалерс
Нью-Иорк Никс 128-98 Детройт Пистонс
Сакермэнто Кингс 123-115 Атланта Хокс
Чикаго Буллс 112-120 Брүүклин Нетс
Лос Анжелес Лейкэрс 131-125 Торонто Репторс
Индиана Пэйсэрс 118-125 Нью-Орлэйн Паликанс
Денвер Наггетс 116-119 Минносато Тимбэрволвис
Оклахома Сити Тандер 137-114 Портлэнд Трэйл Блэйзэрс