Нийслэлийн Засаг даргын мөрийн хөтөлбөрийн дагуу зарим уулзварыг тогтмол баруун гар тийг эргэдэг болгохоор болсон билээ.

Тэгвэл замын хөдөлгөөний шинэ зохицуулалт өнөөдрөөс эхлэн хэрэгжих юм байна. Нийслэлийн хэмжээнд гэрлэн дохионы зохицуулалттай 142 уулзвар байдгаас 48 нь баруун гар тийш тогтмол эргэх боломжтой юм.

Тодруулбал, Нэг талаас баруун эргэх боломжтой 12, хоёр талаас баруун эргэх боломжтой 24, гурван талаас баруун эргэх боломжтой 8, дөрвөн талаас баруун эргэх боломжтой 4 уулзвар байна.

Замын хөдөлгөөний шинэ зохицуулалтыг хийснээр уулзваруудын нэвтрэх чадвар сайжирч, дуу чимээ, агаарын бохирдол буурна. Мөн эдийн засгийн хэмнэлт гарч, нийтийн тээвэр, тусгай албаны автомашины нэвтрэх чадвар нэмэгдэх гэнэ.