Дэлхийн тэргүүлэх авиа компани болох “Катар Эйрвэйс” Монгол Улсаас 50 хүртэл тооны бүхээгийн ажилтан сонгон шалгаруулж авахаар боллоо.

Тус ажлыг Монгол Улсаас Катар Улсад хавсран суугаа Элчин сайдын яамны санаачилгаар Монгол Улсын Зам, тээврийн хөгжлийн яам, Катарын Тээврийн яам хоорондын хамтын ажиллагааны хүрээнд хийж байгаа аж.

“Катар Эйрвэйс” компанид бүхээгийн ажилтнаар орох хүсэлтэй 21-34 насны залуучууд холбоосоор орж бүртгүүлнэ үү. Бүртгэл 9 дүгээр сарын 13-ны өдөр хүртэл үргэлжилнэ. Харин бүхээгийн ажилтан сонгон шалгаруулах баг энэ оны аравдугаар сард Монгол Улсад ажиллаж, сонгон шалгаруулалтыг хийх юм. 

Катар Эйрвэйс авиа компани бүхээгийн ажилтанаар ажиллах сонирхолтой хүмүүст дараах шаардлагуудыг тавьж байна. Үүнд: 

• 21-ээс дээш настай 
• Гарын хүрэх өндөр 212 см дээш 
• Бүрэн дунд боловсролын гэрчилгээ
• Англи хэлний өндөр мэдлэгтэй /ярианы болон бичгийн/
• Харилцааны өндөр соёлтой 
• Олон улсын баг хамт олонтой ажиллах чадвар, үйлчилгээний чиглэлээр ажиллах хүсэл эрмэлзэлтэй 
• Эрүүл мэндийн асуудалгүй
• Катарын Доха хотод байрлаж амьдрах хүсэл эрмэлзэлтэй байх зэрэг болно.