Монгол Улсын Засгийн газраас хэрэгжүүлж буй “Шинэ сэргэлтийн бодлого” бодлогын баримт бичигт төрийн бүтээмжийг дээшлүүлэх зорилтыг дэвшүүлсэн. 

Тус зорилтын хүрээнд Орхон аймгийн төрийн байгууллагууд иргэдэд хүргэх төрийн үйлчилгээний чанар хүртээмжийг нэмэгдүүлэх, хэрэглэгчийн эрэлт хэрэгцээ, хүсэлтийг ханган ажиллах, түүнийг давуулан биелүүлэх зорилгоор чанарын менежментийн удирдлагын тогтолцоог энэ оны нэг дүгээр сараас эхлэн нэвтрүүлж эхэлсэн.

Үүний хүрээнд Орхон аймгийн төрийн захиргааны болон төрийн үйлчилгээний 10 байгууллагад “Ворлд стандарт консалтинг” ХХК-тай хамтран Олон улсын чанарын менежментийн тогтолцоо буюу ISO 9001:2015, байгаль орчны чанарын менежментийн тогтолцоо болох ISO 14001:2015 стандартуудыг нэвтрүүлж өнөөдөр гэрчилгээгээ гардан авлаа. 

2022 онд ISO 9001:2015 Чанарын менежментийн удирдлагын тогтолцооны стандарт нэвтрүүлж эхэлсэн төрийн байгууллагууд: 
1. Орхон аймгийн ИТХ,
2. Орхон аймгийн ЗДТГ,
3. Баян-Өндөр сумын ИТХ,
4. Баян-Өндөр сумын ЗДТГ,
5. Жаргалант сумын ИТХ,
6. Жаргалант сумын ЗДТГ,
7. Хотын захирагчийн алба,
8. ГХБХБГ,
9. Улсын бүртгэлийн газар,
10. МХГ
      Ийнхүү төрийн захиргааны байгууллагуудад тогтолцооны зөв жишиг бий болж, төрийн үйлчилгээний байгууллагуудын хэрэглэгчдэд хүрэх үйлчилгээний чанар болоод найдвартай байдал хангагдах, хүний нөөцийн тасралтгүй хөгжих дэвших, суралцах, байгууллагын соёлыг бий болгон байгууллагын үр ашиг, үнэлэмжийг тогтмол нэмэгдүүлэх боломжууд өсөн нэмэгдэх юм.