Эрүүл мэндийн сайдын зөвлөх О.Батбаяр сармагчны цэцэг өвчний талаар мэдээлэл өглөө.

Тэрбээр "Сармагчны цэцэг өвчин дэлхийн 30 гаруй улсад бүртгэгдсэн. Тиймээс манай улс руу зөөвөрлөгдөн орж ирэх эрсдэл бий. Тиймээс эрсдэлийн үнэлгээнд суурилаад төлөвлөгөө гарган ажиллаж байна. Мөн хил дээрх хяналтын байгууллагууд хяналтаа тавьж байна. Түүнчлэн ДЭМБ-тай өдөр тутамд мэдээлэл солилцож байгаа бөгөөд ДЭМБ-аас сармагчны цэцэг өвчинтэй холбоотой удирдамж гаргасантай холбогдуулаад дотоодын удирдамж гаргаж байна.

Тус өвчин илэрсэн бүс нутаг руу зорчсон иргэд зөөвөрлөн авч ирэх эрсдэлтэй. Шархны цэврүүн дотор вирус бий учраас цэврүүнд гараараа, биеэрээ хүрсэн хүмүүс халдвар авах эрсдэлтэй” гэв.