Холливудын үзэсгэлэнт бүсгүйчүүдийн нэг, хүмүүнлэгийн идэвхтэй зүтгэлтэн Анжелина Жоли нөхрөөсөө салахаар шийджээ. Жүжигчин бүсгүй 2004 онд “Смитын гэр бүл” кинонд хамтран тоглосныхоо дараа Брэд Питтэй болзож эхэлсэн бөгөөд хосууд 10 жилийн дараа хуримласан юм. Гэвч тэдний гэрлэлт удаан үргэлжилсэнгүй бололтой.

Учир нь сүүлийн үед Питт  архи ууж, хар тамхи хэрэглэн мансуурч, биеэ барих чадваргүй болох зэргээр зан авир нь өөрчлөгдөж эхэлснээр Анжелина ийм шийдвэрт хүрсэн гэнэ. Энэ мэдээллийг TMZ  сайт холбогдох эх сурвалжийн мэдээлэлд тулгуурлан дамжуулсан байна.  Дашрамд дурьдахад, жүжигчин бүсгүй зургаан хүүхдээ өсгөх эрхийг авахыг шаардаж байгаа бөгөөд Питтээс тэтгэмж авахгүй гэжээ.