Сонгууль бүрийн дараа цөөнгүй шинэ гишүүн саарал ордоны босго давах эрхтэй болж, улс төр гэх хичээлд суудаг. Тэгвэл 2012 онд МАХН-аас з.Баянсэлэнгэ гэх эмэгтэй УИХ-ын гишүүн болж, чуулганы танхимд залрах болсон билээ. Түүгээр ч барахгүй салбарын сайд хүртэл хийгээд авсан. Тэгвэл тэрбээр саяхан өгсөн ярилцлагынхаа үеэр өнгөрсөн дөрвөн жилд маш том сургууль төгссөн талаараа ярьжээ.

Тэрбээр “Би өнгөрсөн дөрвөн жилд маш том сургууль төгслөө. Улсын төсөв, үүн доторх хуйвалдаан, чин сэтгэлтэй ажилладаг улстөрчид байдаг гээд яриад байвал маш олон зүйл сурч мэдэж авч, том сургууль төгссөн. Улсын данс үнэхээр улаасан. Мөнг байхгүй байсан. Энэ бүхэн бизнесийнхэн төрд ордгийн балаг. Бизнесийнхэн, компаниудын төлөөлөл улс төрд ордог. Бүр мөнгөний урсгал тэдэн рүү л явсан” гэх мэтээр олон зүйлийг ярьжээ.

Дөрвөн жил гэдэг их, дээд сургууль төгсөх хугацаа. Нэг дээд сургууль төгсчихсөн хүнд бол дахиад хоёрыг ч дүүргэх хугацаа юм. Тэгвэл гишүүн асан З.Баянсэлэнгэ өнгөрсөн дөрвөн жилд нэг сургууль төгсч, нэлээд мэдлэгтэй болсон бололтой.