Улсын хэмжээнд бүх нийтийн бэлэн байдлын зэрэгт шилжиж, хөл хорионы хатуу дэглэм тогтоосон. Онцгой дэглэмийн үед нийтийн тээвэр, албаны автомашин болон хүндэтгэх шалтгаантай автомашины жолооч нар замын хөдөлгөөнд оролцож буй. Үүнтэй холбоотойгоор зам тээврийн ослын дуудлага мэдээлэл ердийн үеийнхээс багассан гэж Тээврийн цагдаагийн албанаас мэдээлсэн. 2020.11.14-ний өдрийн 01:30 цагийн орчимд Хөвсгөл аймаг Цагаан-Уул сум 2-р баг Орхимжийн булан гэх газарт Toyota-Landcruiser-80 маркийн автомашин онхолдож, жолооч 37 настай эрэгтэй Ц-н амь нас хохирсон ноцтой зам тээврийн осол бүртгэгдсэн байна. Иймд иргэд жолооч та бүхэн Засгийн газар, Улсын онцгой коммисын шийдвэрийг хүндэтгэн, батлагдаагүй замаар зорчихгүй байхыг анхааруулж байна.