Швейцарын Холбооны Улсад богино хугацааны визээр ирсэн иргэдийн анхааралд
Швейцарын Холбооны Улсад богино хугацааны визээр ирж, Франкфурт-Улаанбаатарын чиглэлд үйлдэх тусгай үүргийн онгоцоор буцахаар төлөвлөж байгаа иргэд дараах нөхцөл байдлыг харгалзан үзнэ үү. Үүнд:
ХБНГУ-ын Гадаад харилцааны яам 2020 оны 3 дугаар сарын 17-ноос өмнө тус улсад түр хугацаагаар ирээд нутаг буцаж чадаагүй байгаа гадаад улсын иргэдийг 2020 оны 9 дүгээр сарын 30-ны өдрийг хүртэл тус улсад байхыг зөвшөөрсөн шийдвэрийг цаашид сунгахгүй гэдгийг албан ёсоор мэдэгдсэн байна.
Үүнтэй холбогдуулан Шенгений бүсийн бусад оронд буй иргэд Герман Улсаар дамжин Монгол Улс руу зорчихдоо зохих ангиллын визтэй байх, транзит виз авсан байх, эсхүл Франкфурт хот руу онгоцоор нисч, тус хотын нисэх онгоцны буудлын транзит заалаар дамжин Монгол Улс руу зорчих шаардлага үүсч байгааг анхаарна уу.
Түүнчлэн Швейцарын Холбооны Улсын Цагаачлалын албанаас богино хугацааны визээр ирсэн иргэдийн визийн сунгалтыг цаашид хийхгүй байх бодлого баримталж байгаа тул иргэд Та бүхэн визийн зөвшөөрөгдсөн хугацаандаа нутаг буцах хүсэлтээ гаргаж, ХБНГУ-аар зорчихдоо зохих ангиллын виз авна уу.
МЭДЭЭНИЙ СЭТГЭГДЭЛ
ХОЛБООТОЙ МЭДЭЭ
Веб сайтад агуулагдсан мэдээлэл зохиогчийн эрхийн хуулиар хамгаалагдсан тул зөвшөөрөлгүй хуулбарлах хориотой.
Copyright © MMINFO.MN All Rights Reserved. Powered by HUREEMEDIA.
