Төрийн албанд цус шинэчлэх шаардлага бий. Нөгөө талд гадаад дотоодод сургууль төгссөн олон залуус ажил хайж байна. Гэтэл төрийн бүх шатны байгууллагад байгаа тэтгэврийн насны болон тэтгэвэрт гарсан хүмүүс ажлаа өгөхгүй байгаа тухай яам, тамгын газруудаар бөөн яриа байна.

Технологийн хөгжил өдрөөс өдөрт шинэчлэгдэж байгаа энэ үед тэтгэврийнхэн хөлд нь чирэгдэж байгаа тухай хэн хүнгүй ярьж байгаа юм. Өөрсдөө  ч ичгэвтэр байдалд орж байгаа ч цалин, тэтгэврээ зэрэгцүүлж авч явах сонирхолтой байгаа нь дээрх бэрхшээлийг үүсгэж буй тухай Төрийн ордноос эхлээд шивэр авир хийж байна. Хэвлэл мэдээллийн хэрэгслээр яам бүрт нэг “аймар” авгай байдаг тухай бичигддэг.

Exsel байтугай word дээр ажиллаж чадахгүй хөгшчүүл хавь орчныхоо залуусыг элдвээр гуйж түүж, асуудал үүсгэдэг нь нууц биш гэнэ лээ.  Тэгэхээр тэтгэврийн насныхан болон тэтгэвэрт гарсан хүмүүс залуустаа боломж олгож, ажлаа өгөөч ээ хэмээн эелдэгээр шаардаж байгааг дамжуулья.