УИХ-ын гишүүн асан Д.Дамба-Очирт холбогдох хэргийн шүүх хурал өнөөдөр 10:00 цагт Баянзүрх дүүргийн Эрүүгийн хэргийн анхан шатны шүүхэд эхэлнэ. 

Өнгөрсөн долдугаар сарын 30-ны өдөр болсон шүүх хуралдаанд шүүгдэгч Д.Дамба-Очир ирээгүй тул шүүх хуралдааныг хойшлуулж, хувийн баталгаа гаргах таслан сэргийлэх арга хэмжээг зөрчсөн, эрүүгийн хэрэг хянан шийдвэрлэх ажиллагааны явцад санаатай саад учруулсан үндэслэлээр түүнийг албадан ирүүлж, цагдан хорих таслан сэргийлэх арга хэмжээ авахаар шийдвэрлэсэн билээ. Тэрээр одоогоор ШШГЕГ-ын харъяа Урьдчилан хорих 461-р ангид саатуулагдаж буй юм.