Ховд аймгийн Жаргалант, Цэцэг сумдын нутаг дэвсгэрээс гарах орох зорчих хөдөлгөөнийг өнөөдөрийн 22:00 цагаас эхлэн тодорхойгүй хугацаагаар хязгаарлажээ.

Тодруулбал, Ховд аймагт тарваган тахал өвчний сэжигтэй тохиолдол илэрсэн гэх дуудлага мэдээлэл өчигдөр 12:40 цагт Зоонозын өвчин судлалын төвд иржээ. Тодруулбал тус аймгийн Цэцэг сумын Баян-Овоо багийн иргэн 27 настай эрэгтэй Г... тарваган тахлаар өвчилсөн нь урьдчилсан шинжилгээгээр тодорхойлогджээ. Тус иргэний шинжилгээний дээж сорьцыг Зоонозын өвчин судлалын үндэсний төвд илгээсэн бөгөөд албан ёсны баталгаат хариу өнөө орой гарна. 

Одоогийн байдлаар тус иргэн Ховд аймаг дахь Бүсийн оношилгоо эмчмлгээний төвд хэвтэн эмчлүүлж байна. Үүнтэй холбогдуулан Бүсийн оношилгоо эмчилгээний төвд хэсэгчилсэн хөл хорио тогтоосон.