Эдгэшгүй өвчин туссан таван настай бяцхан охин сүүлчийн хүслээ биелүүлжээ. Түүний хүсэл нь үлгэрт гардаг шиг тансаг хурим хийх байсан бөгөөд хүслээ гүйцэлдүүлэхийн тулд өөрийн хамгийн сайн найзтайгаа хуримласан байна. Мэдээж, энэ бол жинхэнэ биш.  

Эйлейд Патерсон охин маш ховор тохиолддог хорт хавдар өвчнөөр өвдсөн бөгөөд  эдгэрэхгүй гэдгийг нь мэдсэнийхээ дараа хүслийн жагсаалтаа гаргасан байна.

Түүнд бичсэнээр бяцхан охины хамгийн их хүссэн зүйл нь өөрийн хамгийн сайн найз зургаан настай Харрисон Грьертэй “гэрлэх” байжээ.

Бяцхан Эйлейд үлгэрт гардаг гүнж шиг даашинз өмсч, харин Харрисон ханхүүгийн гоёмсог хослолоор гоёсон байна. Улмаар тэд  хос зүүлт солилцон үргэлж сайн найз байхаа тангарагласан аж. Энэхүү ёслолд тэдний гэр бүл найз нөхөд нь үлгэрийн баатруудын хувцас өмсөн оролцсон байна.