“Сар шинэ” арга хэмжээ амжилттай үргэлжилж байгаа талаар Цагдаагийн газраас мэдээллээ. Тус арга хэмжээг цагаан сарын баяртай холбогдуулан иргэдийн аюулгүй байдал, амар тайван байдлыг хангах, гэмт  хэргээс  урьдчилан сэргийлэх зорилгоор зохион байгуулж байгаа юм. Энэхүү арга хэмжээний хүрээнд олон нийтийн цагдаа, нохойтой болон урамшуулалт эргүүлийн 600 албан хаагч, 307 чиглэлд өдөр тутам эргүүл хийж байгаа аж.

Мөн баяр, амралтын өдрөөр согтууруулах ундааг зүй зохистой хэрэглэх, хэрэглэсэн үедээ тээврийн хэрэгсэл жолоодохгүй байхыг анхааруулсан юм. Өнгөрсөн жил “Цагаан сар” арга хэмжээгээр гэмт хэрэгт сэжиглэгдсэн 69 этгээдийг олж тогтоон, эзэн холбогдогч нь тогтоогдоогүй 266, түдгэлзүүлсэн 139, урьд нь цагдаагийн байгууллагад бүртгэгдээгүй 116 хэргийг нөхөн ирүүлсэн байна. Тус арга хэмжээ гурвдугаар сарын 3 хүртэл үргэлжилнэ.