Английн “Челси” клуб Италийн “Ювентус” зүүн жигүүрийн хамгаалагч Алекс Сандрог авахыг хүсч байгаа ажээ. Лондоны баг энэ улирлын төгсгөлд 26 настай Бразил эрийг авахаар төлөвлөж буй аж. Өнгөрсөн ням гарагт “Челси”-гийн дасгалжуулагч Антонио Конте Сери А лигт “Интер”-ын тоглолтыг өөрийн биеэр үзэж, Сандрогийн тоглолтыг харсан байна.

Тэрбээр 2015 онд “Порто” клубээс 26 сая еврогоор “Ювентус”-т нэгдэж, 2020 он хүртэл гэрээ байгуулсан билээ. Харин одоо бол түүний үнэ 45 саяд хүрээд байна. Сандро энэ улиралд Сери А лигийн 20 тоглолтод оролцож, нэг гоол оруулж, таван гоолын дамжуулалт өгчээ.