2014 оны гуравдугаар сарын 8-нд 239 зорчигч тээвэрлэн Малайзын Куала Лампур хотоос Хятадын Бээжин хотын чиглэн нисч явсан  MH370 нислэгийн дугаартай онгоц учир битүүлэг шалтгааны улмаас алга болсон.  Гэвч эрлийн ажиллагааг хоёр жил орчим үргэлжлүүлсний эцэст ослын шалтгааныг учир битүүлэг хэвээр үлдээн эрлийн ажиллагааг өчигдрөөр дуусгавар болгожээ.

Австрали, Малайз болон Хятад гурван улсын албанынхны хамтран гаргасан мэдэгдэлд Энэтхэгийн далайд 120 мянган хавтгай дөрвөлжин км талбайд үр ашиггүй эрлийн ажиллагаа явуулсны эцэст зогсоохоос өөр аргагүйд хүрсэн гэж дурьджээ. Харин хохирогчдын гэр бүлийнхэн энэ шийдвэрт харамсаж буйгаа илэрхийлэн эрлийн ажиллагааг үргэлжлүүлэхийг хүсч буйгаа илэрхийлсэн байна.

 Өнөөдрийг хүртэл Энэтхэгийн далайн баруун эрэг орчмоос MH370 онгоцны гурван хэлтэрхийг олсон бөгөөд мөн тус онгоцны хэлтэрхий байж болзошгүй хэд хэдэн биетийг илрүүлсэн байдаг.