Сагсан бөмбөгийн FIBA 3x3 дэлхийн аварга шалгаруулах тэмцээн Польшийн Варшав хотод энэ сарын 1-ээс 7-ны хооронд болно. Тус тэмцээнд Монгол Улсын 3х3 сагсан бөмбөгийн эрэгтэй шигшээ болон эмэгтэй шигшээ багууд оролцож байгаа.

Өнгөрсөн шөнө тэд хэсгийн сүүлийн тоглолтуудаа хийлээ. Эрэгтэй шигшээ В хэсгийн гурав дахь тоглолтоо АНУ-ын багтай хийж 19-22 харьцаагаар хожигдсон бол хэсгийн сүүлийн тоглолтоо Латвийн багтай хийж 12-21 харьцаагаар хожигдож улмаар нэг хожил, гурван хожигдолтойгоор В хэсгийн дөрөвдүгээр байрт бичигдэж хасагдах шатанд өрсөлдөхөөс хасагдсан байна.

Харин эмэгтэй шигшээ өнгөрсөн шөнө В хэсгийн гурав дахь тоглолтоо АНУ-ын багтай хийж 17-20 харьцаагаар, хэсгийн сүүлийн тоглолтоо Унгарын багтай хийж 6-17 харьцаагаар тус тус хожигдож В хэсэгт нэг ч хожил авч чадалгүй хэсгийн сүүлд орлоо.