Электрон тоглоомын CS2 төрлийн "The MongolZ" баг энэ оны хоёр дахь тэмцээн "PGL Cluj-Napoca 2026" тэмцээнд оролцоно. Тус тоглолт Румын улсын Клуж-Напока хотноо хоёрдугаар сарын 14-22-ны өдрийн хооронд болно.

Манай залуусын эхний тоглолт өнгөрсөн шөнө Бразилын "paiN" багтай тоглож 2-1 (Nuke 7-13; Mirage 13-1; Dust2 13-2) харьцаагаар хожиж нэг хожилтой боллоо. Улмаар өнөөдөр тэд мөн адил нэг хожилтой байгаа Европын холбооны "Team Vitality" багтай тоглохоор боллоо. Энэ онд хоёр баг анх удаа таарч тоглох гэж байгаа бөгөөд өмнөх онд хоёр баг нийт 9 удаа таарч тоглоход манай залуус нь хоёрт нь хожиж байжээ.

Сүүлд хоёр баг "StarLadder Budapest Major 2025" тэмцээнд учраа таарч 0-2 (Dust2 4-13; Mirage 5-13) харьцаагаар хожигдож байжээ.

1,250,000 ам.долларын шагналын сантай тус тэмцээнд нийт 16 баг оролцож байгаа бөгөөд гурван тоглолт хожсон найман баг нь шигшээ тоглолтод оролцох бол гурван тоглолт хожигдсон баг нь тэмцээнийг орхино.

The MongolZ багийн бүрэлдэнүүнд ахлагч Blitz  /Б.Гарьдмагнай/,  Techno4k  /М.Содбаяр/, 910  /Б.Өсөхбаяр/, Mzinho  /Б.Аюуш/, "Cobrazera" У.Анарбилэг, дасгалжуулагч Maaraa /Б.Эрдэнэдалаа/ нар тоглож байна.