$1,000,000 (3.5 тэрбум төгрөг) шагналын сантай "Intel Extreme Masters Melbourne 2025" дөрөвдүгээр сарын 21-27-ны хооронд Австралийн Мельбурн хотод дэлхийн шилдэг 16 баг оролцсо тэмцээн өнөөдөр эхэллээ.

Valve-ын хоёрдугаар сарын 25-ны чансаагаар шууд уригдсан The MongolZ тэмцээний А хэсэгт багтсан бөгөөд эхний тоглолтоо Хойд Америкийн "Complexity" багтай тоглож 2-1 (Anubis 11-13, Ancient 16-13, Inferno 13-10) харьцаагаар хожлоо.

Улмаар маргааш буюу дөрөвдүгээр сарын 22-ны өдөр 11:30 цагт "FaZe Clan"-тай шигшээ шатны эрхийн төлөө тоглохоор болов.

Тэмцээний журмын тухайд багууд хоёр хэсэгт хуваагдан "double-elimination format" буюу нэг удаа хожигдох эрхтэйгээр тоглох бөгөөд хэсэг тус бүрээс гурван баг шигшээ шатанд шалгарна. Финалын тоглолт Bo5 журмаар болох ба бусад бүх тоглолт Bo3 журмаар явна.

The MongolZ багийн бүрэлдэхүүнд дасгалжуулагчаар Баянбатын Эрдэнэдалай /maaRaa/, багийн ахлагч Мөнхболдын Содбаяр /Techno4K/, Бямбасүрэнгийн Гарьдмагнай /bLitz/, Банзрагчийн Өсөхбаяр /910/, Батболдын Аюуш /mzinho/, Мөнхболдын Азбаяр /Senzu/ нар тоглоно.