NBA-ын талбайд 11 тоглолт боллоо. Лос Анжелес Лейкэрс талбайдаа Индиана Пэйсэрс багтай энэ улирлын эхний тоглолтыг хийлээ. Тоглолтын эхний үед Лейкэрс 22 онооны тэргүүллийг авсан бөгөөд хоёр гуравдугаар үед онооны зөрүү ойртож байлаа. Шийдвэрлэх үеийн төгсгөлд онооны зөрүүг тав болгож ойртоод байсан Лейкэрс 117-124 харьцаагаар тав дараалласан хожил байгууллаа.

Лейкэрс хожил байгуулснаар 31 хожил, 19 хожигдолтой болж өрнөд бүсийн дөрөвдүгээр байр руу дэвшсэн бол Пэйсэрс 29 хожил, 22 хожигдолтой болж дорнод бүсийн өдөрт бичигдэж байна.

Тус тоглолтод Лейкэрсээс Лука Дончич болон Леброн Жеймс нар оролцоогүй бөгөөд Остин Риверс 45 оноог авч өөрийн замналынхаа дээд оноог авсан байна. Мөн 7 дамжуулал, 7 самбар, 3 таслалтыг гүйцэтгэж 2005 оны Кобигоос хойш нэг тоглолтод 40/5/5 хийсэн хамгийн залуу тоглогч болжээ. Тус багаас Руй Хачимура 24 оноо, 9 самбар, Гэби Винсент 12 оноо, 7 дамжуулалт, 2 таслалтыг гүйцэтгэсэн байна. Эсрэг багаас Паскал Сиакам 23 оноо, 6 самбар, 2 таслалт, Тайрис Хайлибуртон 19 оноо, 9 дамжуулалтыг гүйцэтгэсэн байна.

Өнөөдөр болсон бусад тоглолтын үр дүн

Хьюстон Рокетс 105-116 Даллас Мавирекс
Сан Антонио Спөрс 111-112 Орлондо Межик
Индиана Пэйсэрс 117-124 Лос Анжелес Лейкэрс
Атланта Хокс 125-111 Вашингтон Визардс
Голдэн Стэйт Уорриорс 132-111 Чикаго Буллс
Оклахома Сити Тандер 125-112 Мемфис Гриззлис
Портлэнд Трэйл Блэйзэрс 98-114 Минносато Тимбэрволвис
Бостин Селтикс 131-104 Нью-Иорк Никс
Денвер Наггетс 122-105 Финикс Санс
Нью-Орлэйн Паликанс 118-123 Сакермэнто Кингс
Юта Жазз 110-130 Лос Анжелес Клипперс