Өнгөрөгч 7 хоногоос эхлэн БНСУ-д корона вирусаар шинээр халдварлагсдын тоо эрс нэмэгдэж Засгийн газар, Эрүүл мэндийн яамнаас нийслэлт хот орчмын бүсэд 3 дахь давалгаа үргэлжилж эхэлсэн гэж мэдэгдлээ. 11 сарын 19 байдлаар 363 шинэ тохиолдол илэрсэн ба 320 нь солонгос улс дотроос, 43 нь хилийн чанадаас зөөвөрлөгдөн иржээ. Цаашлаад хэдий цаг агаар хүйтэрсэн ч хэсэгтээ намдахаас илүүтэй өвчин нэмэгдэх хандлагатай байгаа ба голцуу хамт олноор үйл ажиллагаа явуулдаг газар болон олон нийтийн үйл ажиллагаанд оролцсон хүмүүсээс илэрч байна гэжээ. Тухайлбал хамгийн сүүлд Ёнсэй их сургуулийн текникийн тэнхимийн уулзалтанд оролцсон 12 хүнээс мөн Нурянжинд байрлах сургалтын төвийн 26 хүнээс корона вирус илэрчээ. Одоогоор нийгэмд зай барих дэглэм 1.5-р шат дээр явж байгаа ба 2-р шатанд орох талаар судалж байна.