Малын гоц халдварт өвчин зарим аймагт гарсан билээ. Тэгвэл цэцэг өвчин туссан 175 хонийг устгалд оржуулжээ. Тодруулбал,

Дундговь аймгийн  Сайнцагаан суманд найман айлын 461 хонины 105-ыг нь утгасан аж. Мөн Говь-Угтаал суманд зургаан айлын 560 хонь өвчилснөөс 70-ыг нь устгал оруулсан байна. Онцгой байдлын газраас халдварын голомт болоод голомттой ойр байгаа айл өрхийн хонинд вакцинжуулалт хийсэн хэдий ч малчдын отор нүүдэл, хөл хөдөлгөөн ихтэй байгаагаас үүдэн  өвчин намдахгүй байгааг мэдээлсэн.

Тиймээс цэцэг өвчинтэй тэмцэх ажлыг эрчимжүүлэхээр  ажлын хэсэг байгуулан Үйзэн багт долоон пост шинээр гарган ажиллуулахаар болжэээ. Түүнчлэн өвчин гарсан сумдад хорио цээрийн дэглэмийг чангатгаж малчдад мэдээлэл сайн хүргэх, бусад сумын малын эмч нарыг дайчлан голомтод байнга ажиллуулах, Цагдаагийн байгууллагын хүн хүчийг нэмэгдүүлэх, постод ажиллаж буй алба хаагчдад ХААГ-аас мэргэжил арга зүйн зөвлөгөөгөөр сайн хангах, тэднийг эрүүл мэндийн үзлэгт хамруулах, устгасан малын жагсаалт мэдээллийг улсын ОБЕГ-т явуулах, үйл ажиллагаанд зарцуулах төсөв хөрөнгө, ажлын нарийвчилсан төлөвлөгөөг гаргах зэрэг ажлыг хийж гүйцэтгэж байгаа аж.