БНХАУ-ын Ибинь хотод оршин суудаг 12 настай нэгэн охин нууцаар төрж, хүүхдээ хаясан байжээ.

Хүүхдийн хүйс нь эмэгтэй гэнэ. Хятадын зарим хэвлэлд бичсэнээр энэ сарын 11-ний шөнө Сичуан мужийн Ибинь хотын Нанши дүүрэгт байрлах гүүрний доороос бяцхан охиныг олжээ. Хүүхэд дутуу төрсөн байсны зэрэгцээ одоогоор инкубаторын аппаратад эсэн мэнд бойжиж байгаа гэнэ.

Цагдаа нар уг хэргийг мөрдөн шалгаж, эх нь  дунд сургуулийн сурагч болохыг нь тогтоосон байна. Тэрбээр эмээ өвөөтэйгөө хамт амьдардаг байсан бөгөөд эцэг эх нь өөр хотод ажилладаг байжээ. Мөн эмээ өвөө нь охиноо жирэмсэн гэдгийг мэдээгүй байсан аж.

Нярайн асуудал ч олон нийтийн анхаарлыг татаж, түүнд туслах гэсэн хүмүүс мөнгөн хандив өгч эхэлсэн байна.