Балба, Энэтхэг, Бангладешт ширүүн бороо үргэлжлэн орсны улмаас үер бууж, хөрсний гулгалт үүссэний улмаас нас барагсдын тоо 198-д хүрчээ. Бороо дээрх бүсүүдэд цаашид ч үргэлжлэн орох төлөвтэй байгаа тул хохирлын хэмжээ ч нэмэгдэж болзошгүй байна.

Бороо энэ сарын 11-ний өглөө Балбад орж эхэлсэн бөгөөд тус бүс нутагт 91 хүн нас барж, 38 хүн ор сураггүй алга болжээ.

Аврагчид гамшгийн бүсэд нисдэг тэрэг, завиар аврах ажиллагаа явуулж байна. Харин Энэтхэгт хөрсний гулгалт болж, хоёр автобус  шороонд дарагдан 46 хүн нас баржээ. Мөн тус улсын зүүн этгээдийн Бихар мужид ч 41 хүн үерийн улмаас амиа алдсан аж.

Бангладешт ч үерийн гамшгийн улмаас нас барагсдын тоо 20 давсан байна. Бороо энэ сарын 18-ныг хүртэл үргэлжлэн орох төлөвтэй байгаа тул хохирлын хэмжээ ч нэмэгдэж болзошгүй ажээ.