Монгол Улсын Ерөнхийлөгч Ц.Элбэгдоржийн бүрэн эрхийн хугацаа ирэх сард дуусна. Үүнтэй холбоотойгоор ээлжит Ерөнхийлөгчийн сонгууль өчигдөр болж, монголчууд дараагийн Ерөнхийлөгчөө сонгосон. Гэсэн ч, нэр дэвшигчдийн хэн ч талаас илүү хувийн санал авч чадаагүй тул хоёр дахь шатны сонгууль болох нь тодорхой болсон юм.

 Тэгвэл сонгуулийн өдөр буюу өчигдөр  монгол шулам Г.Анударь Монгол Улсыг ирэх дөрвөн жилд төлөөлөгч шинэ Ерөнхийлөгчийг зөгнөжээ.  “NTV” телевизийн “Зөн билгийн тулаан-Монголд” шоу нэвтрүүлгийн шилдэг оролцогч,  олон нийтэд “Монгол Жулия Ванг” гэх нэрээр алдаршаад буй тэрбээр өөрийн фэйсбүүк хуудастаа “Х.Баттулга дараагийн Ерөнхийлөгч болно. Би бас саналаа өгсөн. Ирээдүйнхээ төлөө хийж байгаа сонголт” хэмээн бичсэн байна.

Нэвтрүүлгийн дугаар бүрт өөрийн чадвараа харуулж буй монгол шуламын зөгнөл хоёр дахь шатны санал хураалтад биелэх эсэхийг хүлээх нь үлдлээ.