Японы мэргэжилийн сүмо бөхийн тавдугаар сарын буюу Нацу башё Осака хотноо гурав дахь өдрөө болж өндөрлөлөө.

Мэргэжилийн сүмогийн 69 дэх их аварга Хакүхо М.Даваажаргал нутгийн бөх маэгиширигийн 2-оос барилдаж байгаа Чиёошома Г.Мөнхсайхантай барилдаж давсан бол 70 дэх их аварга Харүмафүжи Д.Бямбадорж маэгиширигийн 2-оос барилдаж байгаа Окиномитой барилдаж гурван даваатай тус тус боллоо.

Харин өмнөх хоёр барилдаанд өвдөг шороодоод байсан мэргэжилийн сүмогийн 71 дэх их аварга Какүрю М.Ананд маэгаширигийн 1-ээс барилдаж байгаа Эндотой барилдаж давсан байна. Тэрбээр Нацу башёгийн анхны даваагаа авсан бол ёкозүно Кисеносато өнөөдөр маэгиширигийн 1-ээс барилдаж байгаа Чиёокүнитэй барилдаж давсан бөгөөд хоёр унаа нэг даваатай боллоо.

Маргааш Хакүхо М.Даваажаргал маэгиширигийн 2-оос барилдаж байгаа Окиномитой, Харүмафүжи маэгиширигийн 1-ээс барилдаж байгаа Чиёокүнитэй, Какүрю комосүби Ёшиказитэй барилдахаар боллоо.

Бусад бөхчүүд
Ёкозүна Хакүхо М.Даваажаргал 3-0
Ёкозүна Харүмафүжи Д.Бямбадорж 3-0
Ёкозүна Какүрю М.Ананд 1-2
Озеки Терүнофүжи Г.Ган-Эрдэнэ 1-2
Секиваки Тамаваши Б.Мөнх-Оргил 2-1
Маэгашири-2 Чиёошома Г.Мөнхсайхан 1-2
Маэгашири-5 Таканойва А.Баасандорж 2-1
Маэгашири-9 Ичиножү А.Ичинноров 2-1
Маэгашири-11 Араваши Э.Дөлгөөн 0-3