Коронавирусийн халдвар авсны улмаас олимпод оролцож чадалгүй хасагдсан харамсалтай тохиолдлын тоо дахин нэгээр нэмэгдлээ. Энэ удаад Токиод зөвхөн алтан медаль мөрөөдөж ирсэн Америкийн тулгууртай харайгч, дэлхийн хошой аварга Сэм Кендрикс дээрх шалтгааны улмаас олимпийг өнжихөөр болсныг тус улсын Үндэсний олимпийн хороо мэдээлэв. Кендриксийг зочид буудалд тусгаарлажээ. Тэрбээр Риогийн олимпод 5.85 метр дээгүүр харайж хүрэл медаль хүртсэн бол сүүлийн хоёр ДАШТ-д 5.95, 5.97 үзүүлэлтээр дараалан түрүүлээд байв.
АНХААРУУЛГА:Уншигчдын бичсэн сэтгэгдэлд mminfo.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 99998796 утсаар хүлээн авна.
