Дуучин Женнифер Лопез реппер Дрэйкт маш их хайртайгаа илчилжээ. Эдүгээ 47 настай дуучин бүсгүй 30 настай реппер залуутай өнгөрсөн оны арванхоёрдугаар сараас эхлэн учир ургуулж эхэлсэн байдаг. Тэд инстаграмм хуудастаа тэврэлдэж буй зургаа нийтэлснээр тэднийг хайр сэтгэлийн холбоотой гэх мэдээлэл тархаж эхэлсэн удаатай. Гэвч саяхан тэднийг салсан гэх мэдээлэл гарч байв.

 Тэгвэл Женниферийг  Грэммийн шагнал гардуулах үйл ажиллагааны улаан хивсний ёслолд оролцох үед нь шинэхэн хайрын романсынх нь талаар сэтгүүлчид асуугаад амжсан байна. Харин эл асуултад Жэй Ло “Дрэйкт маш их хайртай. Тэр үнэхээр чадварлаг, авьяастай, бас гайхалтай залуу” гэж ярьжээ. Мөн тун удахгүй тэдний хамтын бүтээл сонсогч фэнүүдэд нь хүрэх гэнэ.