Сонгуулийн дараагаас нэг хэсэг чимээ алдраад байсан УИХ-ын гишүүн асан С.Ганбаатар саяхан хэвлэлд ярилцлага өгчээ. Тэгэхдээ Ерөнхий сайд болмоор байгаагаа хэлж, нууц гэрээнүүдийг өөрчлөх боломж тэр гэдгийг ярьсан байна.

Тэрбээр “УИХ-ын гишүүн болох нь гудамжинд орилохоос хамаагүй дээр. Бас ч гэж Дубайн гэрээний үндсэн мөн чанарыг би гудамжинд байсан бол олох ч үгүй байсан. Нууц гэрээнүүд байлаа шүү дээ. Түүнийг ард түмэнд дэлгэсэн. Одоо би яамаар байна гэхээр Ерөнхий сайд л болмоор байна. Тэгвэл би нууц гэрээнүүдийг өөрчлөх хэлэлцээрт сууна” хэмээн ярьжээ. Ямар ч байсан мань эрийн дотор Ерөнхий сайдын албан тушаал багтаж байгаа бололтой.